قصيدة
المشربية بيطل منها الشهد
المشربية بيطل
منها الشهد
يانهار ابيض
يا ولاد بلدى
ويوم ما تشوف الشهد
تحكى وتتغنى
عرفت سر الاسرار
بصيت لقيت الجنة
سحر المشربية والنقوش
فى اليد
تهريج الغمام
وفنون فى الحنة
المشربية تحكى وتتغنى
المشربية تحكى وتتغنى
المشربية فى العصر
تفتح عيون للقصر
ويبان حبيبى
والقلب لو ماشافش
حبيبى يبات
طول الليل يتمنى
يشوفة بكرة
ولو شفتة ارجع اتمنى
كل يوم المح طيفة
بيحكى للشمس
فى الليل
لو غابت يحكى
لبنتها القمرة
الرسامين ياما انبهروا
ورسموا المشربية
ميت مرة
دامت ريحة الانهار
وزادت اعياد الدنيا
العصافير تناجى بعضها
وتاجى من الغرب
وتاجى من الشرق
طبعا فيهم
ست الحسن
واة لما الجميل
يطل
وتهيم العشاق
قلب
الاشجار يدق
والاوراق
تدوب فى الرعد
وتدوب فى البرق
وتهيص الاغصان وتحن
وقلب العصافير يرق
المشربية بيطل منها الشهد
محمود العياط
من ديوان
انا جايلك
الرئيسية 
أحدث الصور 
التسجيل 
دخول 
أمس في 1:37 pm من طرف 
اليومية
