قصيدة القربة مقطعة

قصيدة
القربة مقطعة

القربة مقطعة
كيف تشيل
ح توصل لفين
والمية فيها ضنين
انت عايز مية
طب تجيبها منين
الحروف مرمية
فى الحيطان
كيف تنام كلمة
هما كلمتين
انفخ مهما تنفخ
النفخ مش نافع
الحكمة مش دايمه
مع النكسة
والترقيع
و الكلام بارد
والبرد مش شافع
والوش ممسوخ
و العناد
كله مواجع
منين تجيب الزين
اذا كان الندل
له دافع
تنفخ فى القربة ليه
ضيعت منظرنا
عطشان والعطشان
ماتشوف عينية
ضيعان لا يعرف
اللى غاب
و لا يعرف مين زارنا
خابورك صد وشك
ما يقيس مكن خشمك
طب ايه تعمل نسوانا
والطاجن على الكانون
ناشف
والولعة ما تبان
غير شططنا
اصله
القربة مقطعة
والمية فيها ضنين
محمود العياط
من ديوان
حصان فى مرماح

» قصيدة رحيل قصيدة قلبك قصيدة القطار
» شرح قصيدة الاخلاقيات هى تاج العقيدة و قصيدة الأخلاقيات لابد أن تعلو للدكتور محمود العياط
» قصيدة روح القدس معى فى مدح النبى ----- قصيدة الواوية
» قصيدة مدينة الجزائر لا يكفيها الف قصيدة
» قصيدة هز القحوف في شرح قصيدة أبي شادوف