76----ديوان قبر لما ياخدك

مقدمة


بعض الردود على قصائدى
---------------------------------
يا هلا اخي الكريم
عبرت عن حال بعمق
يدق خلجات الشجن
تحيتي
----------------------------------
حياك الله اخي الفاضل
ولو تكرمت كان بودي ان توضح بعض معاني الكلمات بالقصيده
-----------------------------------
حيا الله محمود العياط
وحيا الله الحرف اللامع والقلم الحر
والكلمة ذات المعنى
اخي الكريم حضور من نور
كلام لا يمل
قصيدة رائعة كروعة حضورك
دمت بخير
-----------------------------------
تعليق قارئ
مرحب بالأخ الشاعر محمود العيّاط
سنكون ممتنّين بالتعّرف عليك
هل أنت :
الشاعر المصري المعروف محمود العياط ؟
محمود العياط طبيب وكاتب وشاعر
الاسم الكامل :محمود احمد محمد العياط

اسم الشهرة: محمود العياط
مصر الاقصر
****************
حتّى يتعرّف الأعضاء على ابداعاتك الجميلة
------------------------------------------------------------------------------------------------------------------------------------------------------------------------------------------------------------------------------------------------------------------------
1
قصيدة
كمامة العياط

مين يطلع
من بيته
الا بكمامة
القماش
حياتك
ياابن ادم
مهمة
انت مش فراش
تجرى للخروج
والنور وضيع
عمرك ببلاش
بقلم الشاعر محمود العياط
من ديوان
قبر لما ياخدك
------------------------------------------------------------------------------------------------------------------------------------------------------------------------------------------------------------------------------------------------------------------------
2
قصيدة
الصين غلبوا الامريكان

ناس عجب
تسيب اللحم الضانى
والخرفان
وتاكل شويه
قطط و كلاب
على كام صرصار
دكاكين كتيرة
مفتوحة هناك
للجعان
قنابل بيولوجية
وبصقوها
فى كل مكان
والموتى مرميين
فى كل شارع
وكل ميدان
ايه ياولاد
الصين غلبوا
الامريكان
بس عرفنا
صحيح
يأجوج ومأجوج
ح يسيطروا
على العالم
فى اخر الزمان
بقلم الشاعر محمود العياط
من ديوان
قبر لما ياخدك
--------------------------------------------------------------------------------------------------------------------------------------------------------------------------------------------------------------------------------------------------------------------------
3
قصيدة
انتو عايزين إيه

انا شجاع وبقول
لمايحبوا
يغيروا
النظام
يخلوها فوضى
يخلوهاطلام
يلبسوا قناع
ونرجع من درب
المدينة
للخراب والسيبان
وحكم القبيلة
ليه الطغيان
فين ديمقراطيتكم
لنستطيع ان نقولكم
طب انتو عايزين إيه
محمود العياط
من ديوان
قبر لما ياخدك
------------------------------------------------------------------------------------------------------------------------------------------------------------------------------------------------------------------------------------------------------------------------
4
قصيدة
سيبك ياعوضين

غراب صداح
عامل مرماح
عند دار العمدة
فى الصباح
الجريد فوق دار
العمدة
غير الجريد
قلشى سقف
حديد
دايما ياعمدة
عايش
فى الجديد
بتظلم
الناس
قلشى استغفر
شويه عبيد
قاعد العمدة
على المسطبة
متكبر
ده يوم ماتولد
محدش من اللى
حوليه
فى ودانه كبر
و هو فاتح
الشاشة الواى فاى
على فيلم الزوجة التانية
مايهمه
عيل ولا حفيد
الغراب عينه
برقْ
عدى عوضين
ع الدحش
و تمتم
احنا عايزين
عمدة
يعمل فرقْ
اتقى الله
فى الخَلقْ
جا ل عوضين
الغراب
بعد النهار
مانهار
والصراخ قاد
فى الوقيد
و قال
سيبك ياعوضين
من اللى فات
العمدة مات
محمود العياط
من ديوان
قبر لما ياخدك
------------------------------------------------------------------------------------------------------------------------------------------------------------------------------------------------------------------------------------------------------------------------
5
قصيدة
منين نجيب غانم




الكل انكسر
فى العيطة
لاتعرف مين
دراعه انخلع
ولا تعرف مين
سالم
مات الفتى
من اللوم
وخد الصبية
اتفتق
مين يحكى
فى جماله
الكل ياولاد انهزم
فى الزيطة
مفيش حد
انتصر
منين نجيب غانم
قتيل وتقتل ايش
العمل
قالوا عين
والعين
تفرتك الفلق
والصراخ
زاد من عياله
برسيم واترسم
على الحيطة
وحقول اتصورت
للبهايم
محمود العياط
من ديوان
قبر لما ياخدك
-----------------------------------------------------------------------------------------------------------------------------------------------------------------------------------------------------------------------------------------------------------------------
6
قصيدة
واكلين لبوة


نام بالليل
واتغطى كمان
طبع الناس
وناس
قل للخسيس
البوم
فى الليل
بيهو
يخاف
من اللى طل قدامه
ويخاف
الضو
عمره الخسيس
مايحن
ولو جاله
ألف جن
طب الاطبة
مايعالج الخسة
قلشى عملين
زار
فيه سبع لفات
و واكلين لبوة
وكام بسة
قلب الاصيل
ملتاع
فى بلاد
الظلم
شايل
ميت دراع
وشايل الهم
من نبر الخسيس
قلب الاصيل
تعبان
ياللى سكان
الديار
السكان عمرهم
مايخافوا
الطَرق
على البيبان
امال ليه
عملوا باب
وصوروا حوليه
جدران
يا ناس
الديب حاس
طب نعمل ايه
فى الاحساس
محمود العياط
من ديوان
قبر لما ياخدك

-----------------------------------------------------------------------------------------------------------------------------------------------------------------------------------------------------------------------------------------------------------------------
7
قصيدة
فى غشمها
خاتم سليمان


استحلفك
ياصياد
هات لى سمكة
تكون فى غشمها
خاتم سليمان
طبيب على الباب
بيشتكى
قال انا حزنان
ايه ياطبيب
جاى تداوى
ولا اهل البيت
تداويك
عجبى باين
العيا
فى عينيك
اه يامريض
ماتنسى تِلقنها
حُسْنة الخاتمْ
فيه واحد
مليح اتجوز
ست الحسن والخاطر
وكان ليها خادمْ
عاشوا حياة
لذيذة
كانت ليه
جارية
تقضى حاجاته
ينام وتقف
صاحية جنبيه
هو كان يجيب
اللى تهواه وتشتهيه
و كان ليها خادمْ
فيه بنت بيضة
بياضها عجب
خرجت من دوارها
والنهار صاحى
لقيت شاب
حليوة
عشقته خالص
اخر النهار
كانت مقتولة
على الترعة
اتريه حرامى
والجريمة
بتجرى فى دمه
قتلها وسرق منها
الخاتمْ
عجبى على اللى يتجوز
واحدة
من بيت من قزاز
ماتعرف
فى الدنيا
غير الوسط الهزاز
تخلى حياته
عذاب وتشعلله
بالجاز
ليه ياابن آدم
تجيب خدامه
وتعملها هانمْ
عجبى على اللى
مابيفرح
والحياة عمرها
قِصَير
وعجبى على اللى
مايصوم رمضان
وفى خواتيم
رمضان
ميكنشى للكتاب
خاتمْ
محمود العياط
من ديوان
قبر لما ياخدك
------------------------------------------------------------------------------------------------------------------------------------------------------------------------------------------------------------------------------------------------------------------------
8
قصيدة
ده شغل عصابة


عصابة وبلطجية
ماعرفينش نعمل ايه
فى المصيبة ديه
ده شغل عصابة
مفترية
نروح فين
ياناس يامستقوية
بس شوفوا
احنا مين
ماتقدروش علينا
ماتقدروش
على حطين
احنا اللى دهنا
الهوا
احنا اللى رمينا
الميلامين
النعمة ركبت ركبها
يبقى لازم نيدى مهرها
وندفع اتاوة للعصابة
احنا من جوعنا
زاد فقرنا
اللى يغنا ويزيد
ياخدوا كل فلوسه
واللى يزرع يقتلوه
وياخدوا زرعه
نعمل ايه يابشر
شر سكن بيتنا
وانتشر
دى عصابة
مابتفرقش
بين المفتح
والمغمض
المفتح تقتله
لو اتكلم
وفال جواز عتريس
من فؤادة باطل
والمغمض
يموت من الجوع
لو ماتكلمش خالص
واحنا ياعينى
فراخ جناحها مكسور
نعدى كيف
ناحية الجبل والسور
العيل فى العصابة
ديه
مفترى على البرية
بصباعه الخنصر
يقضى على العنتيل منا
ولو كان لابس
طقية
الفقر بياكل
فى البلد
نقول مدد
الناس عايزه
الولد
نروح فين من سكان
الجبل
اللى بيدبحوا
حتى الجمل
مين ينصرنا
غير رب البرية
لكن على بابا
حل القضية
وكان حرامى
يسرق العصابة
ويقول افتح
يا سمسم
هات ميت مفتاح
زى سمسم
ونعيش بشاوات
بكرة فى الممات
يبقى زعيم العصابة
مسجور
فى السكات
حافى مايتكلم
بكرة سمسم
ح يتكلم
محمود العياط
من ديوان
قبر لما ياخدك
------------------------------------------------------------------------------------------------------------------------------------------------------------------------------------------------------------------------------------------------------------------------
9
قصيدة
عمتقدح المحقان


الراجل قاعد
سلطان
فى الدوار
متبرطم للحال
والنخل
العالى رقاص
و الولية حلفت
مايبات حد جعان
البنت عمتقدح
فى المحقان
والطياب
فى النخل
عامل مزمار
نزنيز البيض
جنان
فوق الصينية
الجبنه و قطع
الخيار
ووروار
الفجل عجبان
وطبق فول
وطبق كبدة
طازة
من عند الجزار
و طبق حلاوة
طحنية ميزان
وطبق عسل
وطبق مربى
وشويه رغفان
محمود العياط
من ديوان
قبر لما ياخدك
------------------------------------------------------------------------------------------------------------------------------------------------------------------------------------------------------------------------------------------------------------------------
10
قصيدة
قدح التوم

الولد مايبقاش
ولد الا لما
يتعلم العوم
ولف العصاية
أية
ولف الطقية
بدع
والولد يبقى
ولد
لما يلف
الشال على الخَلَق
والبنات ماتبقاش
إلا لماتتدرب
على الطبخ
ومابتعرف الطبيخ
ألا لما تتعلم
قدح التوم
و عمرة
ماكانت السليقة
ليها علاقة بالوحم
كمان عمره
ماكان الطبيخ
وصفة ع الورق
محمود العياط
من ديوان
قبر لما ياخدك
--------------------------------------------------------------------------------------------------------------------------------------------------------------------------------------------------------------------------------------------------------------------------
11
قصيدة توك توك يخليكم مهلبية


انا مش قاعد
عشان خطرهم
انا كلى برضه
منهم
انتوا بتلمسوا
حاجات
فى المشاعر
ما تتنسيش
قلب و طار
زى الطِير طيران
بجناح وريش
ان كانوا عملين
دوامة
الحب عندهم
عنابة
والشوق كراملة
وغيرهم مابيرويش
انتم اجسام
بتتحرم
وانا انسان
بستحرم
اعصابى
ان اضرب
فى الناس
اللى ضاعت
فى العصير
سيب العتاب
انتوا شويه
صراصير
نواية
تسند الزير
رمى الجتت
مايكفيش
ان كان التعلب
عدى فات
ومخدش من عينيكم
انتو عايزين
بنزين
توك توك
يخليكم مهلبية
سيبكم من حكاية
الحب ديه إجروا
ده الحب سكت
عند محطة
فى المترو
ابعدوا بعيد
سيبوا ايديكم
طب ليه
عايزين
بعيد عنكم
مبقاش اعيش
يعنى مفيش
محمود العياط
من ديوان
قبر لما ياخدك
-------------------------------------------------------------------------------------------------------------------------------------------------------------------------------------------------------------------------------------------------------------------------
12
قصيدة
هش يا زرزور

الزرزور ح يفضل
طول عمره زرزور
لو جيت عشه
يبهدلك ويثور
طبعا مش زرزور
لكن شوف الصقر
قوى وجسور
ممكن يفقأ
عينيك ويطير
لو مشى
فى المروج
ممكن كلب
ياكله
طب الكلب
ممكن يعضك
قدام الدار
حارس امين
ينبح معتز
مسرور
بس الاسد اسد
ياكلك
ملك الغابة
ياسيدى
ماشى زى الديناصور
محمود العياط
من ديوان
قبر لما ياخدك
------------------------------------------------------------------------------------------------------------------------------------------------------------------------------------------------------------------------------------------------------------------------
13
قصيدة
صبية فوق بركان

برضه مسامحنى
رغم انى كتير
قسيت عليك
والعمر ايه
غير بحر
وكل حمولة
السفينة ل موانيك
والحنين كان
سحابة مطرت
حبتين
فوق الجبين
وراحت تدور عليك
مش عايزه
اقولك
انا طبعى
مااستحملش
حاجات كتير
رغم كل العتاب
الامنيات فى يدك
شالى زى الحرير
ترفرف
مع النسيم
وتستدير
تدور عليك
وانا بين ايديك
قبل الدمعة
ماترتمى بشط
عينيك
بشوفها بقلبى
بس قلبى
بقى خلاص
رغم حبه
متعود على
كل الاسية
والحب كان
سهم وصبنى
جرحنى وغير حياتى
فى الدنيا ديه
انا عارفة
انك كل حين
بتعطف عليا
رغم قسوتى
معاك بتعملنى
بحنية
دايما بسأل
طب ليه
انا بالقسوة ديه
حتى لو فرحانة
برضه الصرخة
تطلع غصب عنى
زعلانة
اطرد الدمعة
لـ تاجى فى حضنى
انا عمرى
وانا صغيرة
باحلم بالحب والفراق
بس عمرى
مااقول ل طيفك
غور بعيد عنى
النهارده واحنا
مع بعض
استنى ماتبعدش عنى
اصبر الكلام
مش بالكلام
الاحساس ركب زوارق
وفى القلب هام
ولو مشيت
انا اجرى وراءك
واستنى لغاية
ماامشى فى هواك
انا بحبك
مقدرش يوم
ابعد عنك
يمكن اكون عصبية
شويه او شويتين
محمود العياط
من ديوان
قبر لما ياخدك
-------------------------------------------------------------------------------------------------------------------------------------------------------------------------------------------------------------------------------------------------------------------------
14
قصيدة
منين اجيبْلُه شِوية حنية


بان فى عينيك
الحنين
وبان كمان فيا
كام طيرة عشقانة
مارقة فى السما
وكام جنية
ده الحب
ماله دوا يشفى
و لا ليه دية
خلى حياتى
فُلكة حيرانه
فى ايام راحة
وايام جاية
الحب قاسى
منين اجيبله حنية
محمود العياط
من ديوان
قبر لما ياخدك
-------------------------------------------------------------------------------------------------------------------------------------------------------------------------------------------------------------------------------------------------------------------------
15
قصيدة
قبر لما ياخدك


ولية عفشة
حشرية
تخش فى الكرشة
ماتسيب و لا قشة
برييه قلبى شايل
منك بلاوى
انا لما احددك
ابقى غلطان
على النكد
ناوى
نقول ماانت فضيحتك
ح تبقى بجلاجل
تحط الملح
بالكبيات
فى الطبيخ
يطفحه الشاب
يقوم يشيخ
والشطة نار
مفيش هزار
بطنى دودت
من الاكل الماسخ
والحديت السم
وطبع الحمير
اللى فيكى راسخ
قبر لما ياخدك
ياهم قلبى
بكرة
ممكن تعجنى
والرغفان تاخدك
ويا الغراب
وتشتتى
هش هش
وتعمصى الحسير
والردة والقرايس
بتزوقى الرغفان
ياماسخة
لخبطيه
زى شكلك الملخبط
هش هش
ماالرغيف
اخره صحن
مش
فكراه مصيرة
ورك حمام
او صدر بط
ده كانت زبالتك
حاجة تانى
والمواعين
للجيران
مليانه خالص
تروح بتك
مره
وتروحى
انت مرات كتير
شوف نفسك
زى عادتك
كل ساعة
وانت داخلة
للجيران
دنيا تانية
يابت ده
اووه
مربيه كلب
بتعزميه
ع العشا
ده الكلاب
تجوع فى دارك
تاكل الناس
فرحانة بالجاز
اللى فوق دماغك
يامعنكشة
عمرك طويل
مابتخافيش الموت
قطة والدة
تترمى من الف
دور
ممكن تعيش
فى السبايط
فوق النخيل
كبشة شهور
خرمتى السفينة
شغل الحريم
ماانت طول
عمرك بتخرمى
فى الرجال
ويخرموا فيك
شغل العيال
كل همك
تمسكى الطبلة
وتغنى للعروسة
من غير مناسبة
ياشيخة
بوظتى حياتى
غورى من قدامى
ده صباع يدى
ابصم
انك من بدرى
بت عبيطة
محمود العياط
من ديوان
قبر لما ياخدك
------------------------------------------------------------------------------------------------------------------------------------------------------------------------------------------------------------------------------------------------------------------------
16
قصيدة
الاسطورة مارادونا


أعد لى نوح
اليمام بالمدراجات
على أيك الملاعب
لو كان
معاك قلب
او كان معاك
صاحب
مابين البرق
والرعد والصخيب
الجو عجيب
عشان
كان فيه أسطورة
فى الملاعب
أسمة مارادونا
حمس المشجعين
من الجماهير
فى المقصورة
يمسك الكرة
بمغناطيس
هات ميت صورة
لكن عند المنافسين
ثقلت الانفاس
وأكتوى الجوى
وغاص المساء
فى وهج الضحى
ومارادونا الشاب
السخى
يروغ من وسط
الملعب
يرقص ويمر
من الاعبين
ويطرحهم أرضا
وليهم خبل
وليهم طنين
قلشى ماشى
فى طريق
وحده
أسد لاحد
زيه
ولاحد كده
ويصل للمرمى
بصورة
متكررة
قلشى كربون
عند مطبعجى
واللعبة مصورة
وعلى طول الشوط
مفيش رأفة
مفيش لاعب
عمل كده
إهدى ياجدع
مفيش لاعب
عمل كده
قبله
و لا بعده
ده شغل بدع
مارادونا فى الملعب
يبقى المنافسون
كلهم على النجيل
ملقون بعد ترقيص
عنيف
منظر النايمين
سخيف
مارادونا فى الملعب
يبقى لازم الارجنتين
يكسب المباراة
فى تلك السنين
الجمل جملهم
والحمولة ليهم
ولو كان مين
عليهم
والفوز بتاعهم
وكل الكؤوس
عشان مارادونا
تاج فوق الرؤوس
بطولات كثيرة
حصدها المنتخب
فى عهد الاسطورة مارادونا
ملك الكورة
فى العالم
وفى الموهبة
الاوحد
العملة النادرة
كل ملايين
القرون
ممكن نشوف
زيه
وممكن مانشوفش
محمود العياط
من ديوان
قبر لما ياخدك
-------------------------------------------------------------------------------------------------------------------------------------------------------------------------------------------------------------------------------------------------------------------------
17
قصيدة
نداء ليبيا

بكل اصرار
ياليبيا
تعالى مطرحك
وسط العمار
وإلبسى توبك
وإرفعى رايتك
مع الثوار
إحنا شعب
ح نغير الكابوس
ونبدد الدمار
ونبدأ صفحة
جديدة
من غير دماء
ولا شهداء
نبطل القنابل
ونعيش احرار
بكرة المدافع
تسكت كمان
والعربات المكسرة
فى كل مكان
ترجع تدور
وتردد الالحان
ننسى السلب
وقتل الابرياء
ونتعاون معا
ع قلب
بكل كبرياء
ياليبيا قومى
الفجر قدامك
فارد رجليه
والصبح مرسالك
احلى شقشقة
من طيور
عشاقك
البحر يتنهد
من شطك
والكروان
عايش ع سحرك
وأمسك
إمسكى فاسك
تعالى نرجع
بكرة
ليبيا الحرة
تعالى نرجع
اللى فات
عمره الحضارة
ماتتقود ذكريات
الامم ياما هدموا
وكسروا
لجل مايغيروا
لجل مايشيدوا
ناطحات
ياللا نعيش
بالسلام
خلص الكلام
محمود العياط
من ديوان
قبر لما ياخدك
-------------------------------------------------------------------------------------------------------------------------------------------------------------------------------------------------------------------------------------------------------------------------
18
قصيدة
حمارة


حمارة حمارةحمارة حمارة
حمارة حمارةحمارة حمارة
غنوا وقالوا
علينا ياما
وياما غنوا
على الربابة
احلى كلام
قالوه يابا
حمارة حمارةحمارة حمارة
حمارة حمارةحمارة حمارة
يالا إية حمارة
ايام الشقاوة
والوشوش مليانة
طيابة
قالك اية حمارة
حمارة حمارةحمارة حمارة
حمارة حمارةحمارة حمارة
الشوق ياخدنا لفوق
من اعلى مسلة
يرمينا سلسلة وطوق
ياخدنا الشوق
حتى لما كبيرنا
يروق
حمارة حمارةحمارة حمارة
حمارة حمارةحمارة حمارة
محمود العياط
من ديوان
قبر لما ياخدك
------------------------------------------------------------------------------------------------------------------------------------------------------------------------------------------------------------------------------------------------------------------------
19
قصيدة
النجيل قيراطين


شادوفك وين
ابو دراعين
النجيل قيراطين
والحشيش تشوفه
كل سنين
عين الحب
دايما عينين
نهر النيل
يروينى
ضنين
مايسيب
عطشان
حشيش الجرف
يحمينى
قدر الامكان
انا فلاح
فاسى
ومحراثى
ملقحين
ع الساقية
قلشى تور
مغمين عنيه
الاتنين
هو عارف
بيلف ويدور
فوق الحَب
بس نيران الحُب
مش ساقية
الود العطشان
ياليل الحب
دارينى
ب توبك
الاسود
وخلى الصبح
يروينى
لما يقول
اشهد
ان كنت مش
عارف
انا عارف
انى مش عارف
ابو القردان
بلاده وين
جاى طيران
مع مراته
تقيل عجبان
ابوالقردان
دايما كسلان
انا فلاح
بس بتأمل
المش والبصل
فى المقطف
المية جارية
فى الجدول
قلشى
ح نكمل
محمود العياط
من ديوان قبر لما ياخدك
------------------------------------------------------------------------------------------------------------------------------------------------------------------------------------------------------------------------------------------------------------------------
20
قصيدة
قلبى دايما وياكى


قلبى ل قلبك
فى حبه خادم
واقف ع السقية
بين يديك
زى الخاتم
بيسكر الحنة
♫♫♩ ♫♫♩
قلبى دايما
وياكى
عايش
فى ضلك
عايش
فى سماكى
بين شطآن
الحُب فيها نخيل
يتنهد ويميل
بأمنيات الطياب
العليل
♫♫♩ ♫♫♩
عشان هو
فى بعدك
دايما نادم
زهقان من الدنيا
فى بعدك
دايما ظمآن
زى الرملة
لماتنطر الغيمة
ويبوح للشط
لما تلمسه
المية
♫♫♩ ♫♫♩
محمود العياط
من ديوان قبر لما ياخدك
------------------------------------------------------------------------------------------------------------------------------------------------------------------------------------------------------------------------------------------------------------------------
فهرس ديوان قبر لما ياخدك


1
قصيدة
كمامة العياط

2
قصيدة
الصين غلبوا الامريكان

3
قصيدة
انتو عايزين إيه

4
قصيدة
سيبك ياعوضين

5
قصيدة
منين نجيب غانم

6
قصيدة
واكلين لبوة

7
قصيدة
فى غشمها
خاتم سليمان

8
قصيدة
ده شغل عصابة

9
قصيدة
عمتقدح المحقان

10
قصيدة
قدح التوم

11
قصيدة
توك توك يخليكم مهلبية

12
قصيدة
هش يا زرزور

13
قصيدة
صبية فوق بركان

14
قصيدة
منين اجيبْلُه شِوية حنية

15
قصيدة
قبر لما ياخدك

16
قصيدة
الاسطورة مارادونا

17
قصيدة
نداء ليبيا

18
قصيدة
حمارة

19
قصيدة
النجيل قيراطين

20
قصيدة
قلبى دايما وياكى