قصيدة
حبيبى و البعاد
فى البعاد
بتموت الورود
و بتنتهى الاغنيات
فات وقت كتير
و إنت بعيد
بتزود الالام
فوق ايكة الايام
اوراق و غصون
بموج بحور
و بترمينى الريح
على شدو الشحرور
تعالى و اشعل
الدروب
مسك و حرير
كتير
فات وقت كتير
بتنتهى الصراخات
لتبتدى الصراخات
شئ جوايا بيلوح
و مابدى ابدى
جروح
من غيرك مضيع
منى المنام
جندك سلبونى
خلوا ظنونى
بتجرى مع الهيام
تعالى و اشعل
الدروب
مسك و حرير
كتير
فات وقت كتير
عند جزر الشوق 
فردت قلوعى
فوق بعض
دموعى
بحس مكنونى
انت عيونى
بشوف بيها
بتنور الطريق
على قلبى 
المحروق
من قسوة الحريق
اللى بيقول
حاشوفك قريب
تعالى و اشعل
الدروب
مسك و حرير
كتير
فات وقت كتير
محمود العياط
من ديوان على الزراعية يارب اقابل 
حبيبى