قصيدة
فين الولد


هاتوا الجرنال
و لو كان فى غلوه
نار اصله
اللى بدعه
الجن
نقرا الطالع
و نعرف الاخبار
و نولع ببقيه
الفرن
فين الولد فين الولد
يخد حقه اللى انكتب
و لو مرت الاعوام
حتى و لا كان
الود مش عوام
ح يجلح للشط
التانى
و يصدح
و يقول
و لو كان فيه
ميت سور
الحق هو الحق
و المستحق
فين ضميرك
يا بلد
ادى الردا
و ادى السند
و ادى اللى كان ما يخطر
على شجر البرتقان
انه يبات جعان
يا مغنى الموال
ماتعرف اللى ينقال
فين الولد فين الولد

******
البنت شربات
تصحى اللى مات
حتى و لو كان
رفات
المقسوم
هو اللى ح يبقى
و يدوم
مش المشكلة
فى شجر الدوم
بس الرغبة
تحوم
تهتز بالمحساس
ليها الف سبيل
يقطعوا العنتيل
الليل غول
و هاج فى البلاد
لكن جيوش
النهار
ح تاجى فى المعاد
اللى بيحصل
ورا البيبان
يودى اللومان
ويغيظ
حتى لوكان ولى
و بيطلع البيضة
و الكتكوت
عايزه
عيل برئ يتشعبط
فى شباك
العنكبوت
يا واقف ع الترعة
بتثابر و تموت
سيبك من اللى
ورا الزلعة
خلى الليلة
ده تفوت
عايزين قدام
الدوار
ميت نبوت
يوقفوا العيطة
و الغاغة
واللى ما فيها سكوت
الدنيا دى فيها الشهيد
اللى بيضحى بدمه
من الشريان و الوريد
و يشوف
و يشوف البلا
و التجاعيد
لا يروم القريب
و لا البعيد
و لا حتى اللى
فى البريد
لكن عمره
ماينضام
لأنه فى التخليد
بيصول
فين الولد فين الولد
******
الاصيل
طارح زى النخيل
و الخسيس واطى
و ينداس
اصله يا خلق نجيل
يفرح لو انداس
بالمداس
النهر الجارى
عمره مايفضى
و لا يشيخ
اومال ايه
اللى حصل
فى المريخ
ده اللى انحكى
عن الصواريخ
يقَوم الحجر
اللى نام
و اتمردغ
فى التاريخ
اليوم عند الناس
دوله
كام سَنة
لا فيها نهار و لا ليل
و لا فيها سِنة
قالوا فى الامثال
و من زمان
عمره النخل
ما يطرح الرمان
يازارع الهوا
و تصول
عمرة الهوا
ما كان فيه
حقول
مش بالقول
تكون صياد
مش شطارة
تروح الترعة
من غير سنارة
ان كان البير
مردوم
فيه ميت
حيلة
تطلع المكنون
فين الولد فين الولد
محمود العياط
من ديوان على الزراعية يارب اقابل حبيبى