قصيدة تكون معايا ومش معايا

قصيدة
تكون معايا ومش معايا

فوق الخيال
فوق المحال
اه مابالك
صبرت كتير
على حالك
ليه ياحبيبى
دايما متغير
علمتنى تغير الاحوال
يروق الضو ويتعكر
فى بعادك ينكوى
الرمل على الشط
ويتحجر
يسترحمك الشط بصراخ الالام
من الرمال
وقرص الشمس يستحلف
الارحام
والموج القتال
استرحمك ب ليل
فوق فرع شجرة
ينام
اتك تكون معايا
بعقلك وقلبك
ولما تكون معايا ومش معايا
هواك علمنى
انى اكون حزينة ومش حزينة
ويكون لقاك خطاب
معايدة جاى فى البريد
سكنت جوه مشاعرى وكنت تبات
تتمنى لو تبعد بعيد
ويوم تكون كروان
يغنى عند النهر يمى
وتكون سعيد
يكون لقياك فى بستان الورد
زاهى مليان تغريد
وانا معاك شىء
فوق الخيال
فوق المحال
مطر من صوب السما
للبيد المجدوب
واكلمك وانت شاخص سكات
تفتكر فراقك سهل
مجرد اهات
لا ياحبيبى
رغم كل ده
انا مش باحس
الا بهم فراقك
ولا ارضى تبعد عنى
فجر سهادك جفى
وما انا لى رغبة فى الغفى
فى يد برد الشتا
بابحث عن لحظة
معاك للدفا
محمود العياط
ديوان اعدام الملكة
جانك بالسم