قصيدة
اخى اعزيك


ليه بعض الناس
تتملقك
عشان تترفع
فوق جثتك
اخى كرامتك
فوق الجميع
ورود ناضرة
فى الربيع
بس انت
مش لازم فى الهجير
تكون صقيع
و تنادى بشعارات
تهون
لما تتلاقى
بالقمع العيون
بس هو من لحمك
و كله يهون
بس اوعى
تتمادى و اقفل
عليك دوارك
و عيش ورا
الحيطان
مسجون
يمكن فى يوم
تقوم
تلاقى المستحيل
يكون كائن
و مكنون
هى مش غلطتك
هى ده الغابة
فى كل العصور
ده هى الدنيا
اآكل و مأكول
اكون عيونك
تشوف بيها
حالك
تعرف مكانك
ما انت فى الليل
الضلمة
لازم تبات
فى النهار الصاحى
لازم تقوم
و تسيب الدار
عشان هم النهار
جسمك اللى فيك
و حوليك
لازم تكونه هو
نفس البدن
مش مجرد امد
ده هو انت
و اللى يحميك
هو نفسه
اللى يقتل حريتك
ما انت لازم
تدفع التمن
عمره ما كان
فيه حرامى
الا من الحامى
و عمره ماكان
الكلام ده يتصدق
و هو من وحى
الهامى
بس اللى بيقتل
فى الحقيقة
وجودك
فى اى مكان
و اى زمن
لازم تكون
واعى بلاش
حد يستسمحك
اوعى تكون
مضحكة
كون واعى
فى وجودك
اخى اعزيك
بلاش
تضحك على نفسك
بلاش
بلاش
بلاش
محمود العياط
من ديوان على الزراعية يارب اقابل حبيبى